Fáilte

Sé do bheatha chuig Mo Ghrá Gael, sraith 2, faoi choinne TG4 le tacaíocht ón Chiste Craoltóireachta Gaeilge.

Is beirt duine singil iad Síle Ní Scanláin agus Ainle Ó Cairealláin agus iad ar thóir an ghrá, tá siad ar tí tús a chur le turas grá fud fad na tíre le bualadh le daoine eile atá singil agus le titim i ngrá....

Ach ní gnáthdhaoine atá i gceist acu!

Ba mhaith leo bualadh le daoine atá cosúil leo, a bhfuil a gcroí istigh sa Ghaeilge, sa chultúr agus sa traidisiún céanna leo.

Más sin an chinéal duine thú agus má tá suim agat tuilleadh eolais a fháil, lean ort ag léamh!

Bain sult as an tsuíomh!

Preas Ráiteas

Sa tsraith úr chleamhnais seo, leantar beirt ógánach singil ar turas rómánsúil agus iad ag cuardach a nGrá Gael

Is doiligh grá a aimsiú,

agus ní ar leac do dorais a bhíonn sé i gcónaí!

Tá Síle Ní Scanláin agus Ainle Ó Cairealláin beirt singil, agus tá siad ar lorg grá. Thug siad faoi smacht a chur ar a gcinniúint féin agus d'iarr siad ar dhaoine eile atá singil agus atá ar chomh-intinn leo físeáin fúthu féin a chur isteach chuig an suíomh idirlín Mo Ghrá Gael. I ndiaidh dóibh daoine a roghnú, bhuail siad an bóthar agus chuaigh siad timpeall na tíre ar turas rómánsúil. Ach caithfidh gur duine an-speisialta é don bheirt acu - tá dúil as cuimse ag Síle agus Ainle i gcúrsaí Gaelacha, agus tá liosta fada de thréithe acu le fáil sna daoine a théann i bhfeidhm orthu. Cuirtear tús lena dturas i mBaile Átha Cliath, agus ar aghaidh leo go Corcaigh, Gaillimh, Dún na nGall, agus Béal Feirste. Nuair a stopann siad i ngach áit, buaileann siad le scaifte daoine difriúil atá ag iarraidh dul i gcion orthu leis an dara coinne a bhaint. Cad é mar a éireoidh le Síle agus le hAinle? An féidir splanc an ghrá a mhothú ar an chéad choinne?

Sa séú clár, clár deireanach na sraithe, tá ar Shíle agus ar Ainle duine den chúigear óna coinní roimhe a roghnú le haghaidh deireadh seachtaine rómánsúil i mBúdaipeist. Is é sin, cor cinniúna an ghrá!

Craolfar an tsraith Dé Máirt ag 10.00 i.n ag tosú ar 7ú Feabhra ar TG4 agus is féidir an bheirt a leanúint ag moghragael2.com